మన బాధలకు కారణం ఎదుటువారిని చూపించకూడదు అని, మనం ఆలోచించే విధానంలో మార్పు ఉండాలి అని పున్నాగపూలులో తెలుసుకున్నాం. అలాగే జలంధరగారు రాసిన వారి కథలలో కూడా అత్యుత్తమ పాత్రలని సృష్టించారు. మౌనంగా ఆరాధిస్తూ జీవితంలో ఓడిపోయిన శారదకు సాయం చేసిన ఒక మూగ ప్రేమికుని కథ సాలభంజికలలోనూ, పేదరికంలో ఉన్న ఒక అనాధ తన అక్కకు ఆత్మశాంతి కలగడంకోసం పడే తపనకి ఒక పెద్దింటి ఆవిడ ఏం చేసిందో 'శ్రద్ధాంజలి' లో, కొన్ని కళల్లో నిష్ణాతులైన వారి జీవిత గాథలు ఎన్నో మలుపులతో, ఎంతో విచిత్రంగా ఉంటాయి. అలా ఒక గాయని యొక్క జీవితగాథని 'మహా గాయని' లోనూ ఇంకా మరికొన్ని కథలను వినండి.