"కేంద్రసాహిత్య అకాడమి" అవార్డు అందుకున్న వారిలో మునిమాణిక్యం నరసింహారావు గారు ఒకరు. వీరు ఆకాశవాణిలో పిల్లలకోసం విద్యాసంబంధమైన, స్కూల్ బ్రాడ్కాస్టింగ్ కార్యక్రమాలు నిర్వహించారు. 'మన హాస్యం' అనే సిద్ధాంత వ్యాస గ్రంథాన్ని రచించారు. పాశ్చాత్య దేశాలలో వైవాహిక వ్యవస్థ, స్త్రీ-పురుష సంబంధాలు మొదలైన అంశాలపై వ్యాప్తిలోకి వచ్చిన కొన్ని భావాలను, ఉద్యమాలను యథాతథంగా తెచ్చిన కవులు, రచయితలు ఉన్నారు. ఆ ఉద్యమాల మధ్య, సంకులాల మధ్య "కాంతం కథలు"అనే ఈ పుస్తకం ద్వారా హాస్య రచయితగా మరింత పేరు వచ్చింది నరసింహారావు గారికి. ఒక స్కూల్ మాష్టారి జీవితాన్ని, మధ్యతరగతి కష్ఠాలని,ఇష్టాలని వ్యక్త పరుస్తూ దుఃఖాన్ని తరిమేసి కరుణరసాన్ని గుపిస్తూ, హాస్యాన్ని గుమ్మరించి మధ్యతరగతి మందహాసాలని వెలికితీశారు మాణిక్యంగారు ఈ 'కాంతం' కథల్లో. మరి ఆ కథలను విందామా..