పూర్వం నిజాం రాష్ట్రంలోని మారుమూల పల్లెటూరులో పుట్టి దేశం గర్వించదగ్గ మహోన్నత స్థానాన్ని అలంకరించిన పి.వి.నరసింహారావు గారు బహుభాషా కోవిదులు, బహుముఖ ప్రజ్ఞాశాలి. తన ఆత్మ కథను నవలగా వ్రాసిన అరుదైన గొప్ప రచయిత. వీరు వ్రాసిన "ది ఇన్సైడర్" పుస్తకపు తెలుగు అనువాదమే ఈ "లోపలి మనిషి". ఈ పుస్తకంలోని కథానాయకుడు 'ఆనంద్' పేరుతొ నరసింహారావు గారు తమ చిన్నప్పటినుంచి తాము అనుభవించిన కష్టాలు, సుఖాలు, బాధ్యతాయుతమైన పదవిలోని ఒడిదుడుకులు ఇందులో పొందు పరిచారు. తెలిసీ తెలియని వయసులో చదువుకుంటూ విప్లవ బాటలోకి వెళ్ళటానికి ప్రోత్సహించిన జనాలు, పరిస్థితులు మరియు అతి క్లిష్ట పరిస్థితుల నుంచి వారిని కాపాడిన అవ్వ గురించి ఈ మొదటి భాగములో వినండి.