ఒక మనిషి మంచిగా మారడానికి, చెడిపోవడానికి అతని చుట్టూ ఉన్న పరిస్థితులే కారణం. దీనిని మానసిక తత్వవేత్తలు పరిశోధనల ద్వారా ఋజువు చేశారు. తన తండ్రి తనపై విరుచుకుపడ్డా అమ్మ లాలనలో, పాలనలో ఒక అందమైన జీవితాన్ని అనుభవిస్తున్న త్యాగు, అనుకోకుండా చెల్లి, తల్లిల హఠాన్మరణం తో ఒంటరి జీవితాన్ని అనుభవిస్తాడు. తనకు నచ్చిన చదువు చదువుకోడం కోసం కూడా తన తండ్రితో మాట్లాడలేకపోతాడు. నెమ్మదిగా ధైర్యం కోసం వ్యసనాలకు స్నేహితుని ద్వారా దగ్గరవుతాడు. తనకు ఏమాత్రం సహకరించని భార్య, తాను కోరుకున్న అందమైన జీవితం జీవించలేక కుంగిపోతున్న త్యాగుని నారాయణ తన చేయూతనందించి మారుస్తాడు. కానీ తిరిగి తాను మునుపు ఉన్న స్థితిలోకి త్యాగు ఎందుకు వస్తాడు? అసలేం జరిగింది? వినండి.