శ్రీ కందుకూరి వీరేశలింగం పంతులు రచయిత, పత్రికా సంపాదకులు, అన్నిటికి మించి గొప్ప సంఘ సంస్కర్త అని మనకు తెలుసు. కానీ ఏ పరిస్థితులు ఆయనను సంఘ సంస్కరణకు పురిగొల్పాయో అర్థం చేసుకోవాలంటే ఆయన రాసిన 'రాజశేఖర చరిత్రము' నవల వినాలి. ‘రాజశేఖర చరిత్రము’ లో రాజశేఖరుడు గారి అమాయకత్వము, అవివేకము ఆ కుటుంబం పడిన అష్టకష్టా లన్నింటికీ మూలం. సంఘంలోని కపటులు, కల్లరులు, కుక్షింభరులు, స్తుతి పాఠకులు, డాంబికులు, ఏ విధంగా అమాయకులను బాధించి, తాము బాగపడుతున్నారో, అంధ విశ్వాసాల వల్ల, అవివేకపు ఆచారాల వల్ల కొన్ని కుటుంబాలు ఎలా నాశనమైపోతున్నాయో ఈ నవలలోని సంఘటనల వల్ల తెలుసుకోవచ్చు. తెలుగువారి ఆచార వ్యవహారాలు, వాటి బాగోగుల వివరణ, ఆహ్లాదపరచే వ్యంగ్యం, హద్దులు దాటని హాస్యంతో, సర్వులకూ అవసరమైన సద్గుణాలను సలక్షణమైన శైలిలో సామాన్యులకు సయితం అర్ధమయ్యేలా వర్ణించి వాటికి అభిముఖత్వం కల్పించిన ఆ నవలారాజం ప్రప్రథమంగా శ్రవణ రూపంలో. వినండి - రాజశేఖర చరిత్రము - మీ ‘దాసుభాషితం’ యాప్ లో.