అప్పటి గొప్ప నటీమణుల్లో ఒక్కక్కరిది ఒకో విశిష్టత. భానుమతిది బహుముఖ ప్రజ్ఞ అయితే, సావిత్రిది ప్రేక్షకులని కట్టి పడేసే నటన. అంజలీ దేవిది వృత్తి దీర్ఘత. ఏ వయసులో చేయ వలసిన పాత్రలను ఆమె ఆ వయసులో చేశారు. చాలా. యవ్వనంలో అనార్కలిగా, ఆ తరువాత వదినగా, తల్లిగా. లీలావతిగా, సీతగా, ఆమె వయసును బట్టి అలరించారు. అంత నిడివి ఉన్న వృత్తి జీవితం కళాకారులందరికీ రాని అదృష్టం. ఆమెతో ముఖాముఖీలో కీలుగుఱ్ఱం చిత్రంలో రాక్షస పాత్ర వేయడం ఇష్టం లేకపోతే ఎవరు ఒప్పించింది, ఎన్నడూ చేయని ఏ పాత్ర చేసేటప్పుడు ప్రేక్షకులు స్వీకరించాలని దేవుళ్ళకు మొక్కుకుంది, తన మనుమరాలు చిత్ర రంగంలోకి వస్తూ వస్తూ ఎందుకు తప్పుకుంది, ఇంకా అప్పటి నటీమణుల్లో పోటీతత్వాన్ని చెప్పకనే చెప్పిన తీరు ఆసక్తికరంగా ఉంటాయి.