ఒక వస్తువుపైగాని, పదవిపైగాని, మనిషిపైగాని అతి వ్యామోహం ఉంటే అది ఎంతదాకా దారితీస్తుందంటే వారి ప్రాణాలు తీసేదాకా. ధర్మాన్ని, న్యాయాన్ని కాపాడడం కోసం కొన్ని సూత్రాలు, నియమాలు కలిగి ఉండాలి. అదీ దూతలుగా ఉన్నవారికి ఇంకా ఎక్కువగా ఉంటాయి ఈ షరతులు. వీరు ప్రాధమికంగా 10 సూత్రాలను పాటించాలి. ఈ నవల విశ్లేషణలో ఇంకో సూత్రాన్ని చెబుతారు. కొన్నార్ గూఢచారి విభాగంలో పనిచేస్తూ పైకి ఆ విషయం తెలీనీకుండా LIC లో ఏజెంట్ పని చేస్తున్నట్టు అందర్నీ, ఆఖరికి భార్య మగ్గీని కూడా నమ్మిస్తాడు. ఈ గూఢచారి విభాగంలో అత్యున్నత స్థానంలో ఉన్నహెలెన్ తన పదవిని కాపాడుకోడం కోసం, తన తరవాత ఆ పదవిలోకి రాబోతున్న కొన్నారను పాములావాడి, ఎంతో చాకచక్యంగా తన అధికారంతో అతనిచే ప్రధానిని హత్యచేయిస్తుంది. ఎన్నో అధికారాలు ఉన్న ప్రధానులు, రాష్ట్రపతులు కూడా ఆమెను ఎందుకు ఎదుర్కోలేకపోయారు? హెలెన్ వేసిన పథకంలోంచి కొన్నారు బయటపడతాడా? హెలెన్ యొక్క నిజస్వరూపం ఎలా బయటపడుతుంది? ఇవన్నీ ఈ విశ్లేషణలో వినండి.