ఒక్కోసారి మనిషికి జరిగే కొన్ని విపరీత పరిస్థితుల వల్ల, దుర్ఘటనల వల్ల కొంతమందికి లాభం జరుగుతుంది. అలానే నైరేన్‌కు ఒక ప్రమాదం వల్ల అతని జీవితంలో జరిగిన పరిణామాలను వివరించాడు సైకిక్ నవలలో. ఒక కూలి కుటుంబంలో పుట్టి, మేస్త్రీ గా పని చేస్తున్న నైరేన్‌ ప్రమాదవశాత్తు చాలా ఎత్తు నుండి కిందపడడం వల్ల మెదడుకు చాలా పెద్ద దెబ్బ తగులుతుంది. దాని వల్ల అతనికి అంతర్ దృష్టి (6th సెన్స్) పనిచేస్తూ భవిష్యత్తు చెప్పడం మొదలు పెడతాడు. అందువల్ల చాలామంది వారి కుటుంబంలో తప్పిపోయినవారి గురించి అడిగి తెలుసుకునేవారు. ఒకసారి తన శక్తిని నిరూపించుకోవాల్సి వస్తుంది. ఆ శక్తిని ఉపయోగించి ప్రభుత్వంలో పేరుకుపోయిన ఎన్నోశిక్షలు పడని కేసు‌లను పరిష్కరించేవాడు. ఇలా తనకు లభించిన అతీంద్రియ శక్తితో తాను చేసిన మంచి పని ఏమిటో వినండి.